Free Reporter Training

Free Reporter Training
Certified & full Corse Residential & Onlin e

अकोट हादरले, पूर्ववैमनस्यातून २४ वर्षीय तरुणाची हत्या



  अकोट हादरले, पूर्ववैमनस्यातून २४ वर्षीय तरुणाची हत्या



अकोला: अकोट शहरातील अकबरी प्लॉट भागात पूर्ववैमनस्यातून एका २४ वर्षीय तरुणाची धारदार शस्त्राने हत्या करण्यात आली. या घटनेने परिसरात खळबळ उडाली आहे. या प्रकरणी अकोट शहर पोलिसांनी दोघांना ताब्यात घेतले आहे.अकोला जिल्ह्यातील अकोट शहरातील अकबरी प्लॉट परिसरात पूर्ववैमनस्यातून तरुणाची हत्या करण्यात आली. काल, बुधवारी रात्री ही घटना घडली. या प्रकरणी अकोट शहर पोलिसांनी दोघांना ताब्यात घेतले असून त्यांची उशिरापर्यंत चौकशी सुरू होती. मिळालेल्या माहितीनुसार, शहरातील अकबरी प्लॉटमधील काही युवकांनी पूर्ववैमनस्यातून अब्दुल सलमान अब्दुल रज्जाक (वय २४) याच्यावर धारदार शस्त्रांनी वार केले. त्याची निर्घृण हत्या केली. या घटनेची माहिती मिळताच अकोट शहर पोलीस ठाण्याचे प्रमुख संतोष महल्ले यांनी घटनास्थळी धाव घेतली. त्यांनी घटनेचा आढावा घेऊन तपास सुरू केला. त्यानंतर दोघांना ताब्यात घेतले. अब्दुल सलमानची हत्या जुन्या वादातून करण्यात असल्याची माहिती समजते.मारेकर्‍यांनी अकबरी प्लॉटमध्ये अब्दुल सलमान याच्यावर धारदार शस्त्राने सपासप वार केले. या प्राणघातक हल्ल्यानंतर सलमान जमिनीवर कोसळला. या हल्ल्यानंतर आरोपींनी घटनास्थळावरून पळ काढला. अब्दुल सलमानचा जागीच मृत्यू झाला. घटनेची माहिती मिळताच, पोलीस तेथे पोहोचले. त्यांनी पंचनामा केला आणि मृतदेह उत्तरीय तपासणीसाठी ग्रामीण रुग्णालयात पाठवण्यात आला.पोलिसांनी या घटनेचा तपास करून मिळालेल्या माहितीच्या आधारे आरोपींची धरपकड सुरू केली. रात्री उशिरा पोलिसांनी दोघांना ताब्यात घेतले. त्यांची कसून चौकशी सुरू होती. अब्दुल सलमान याची हत्या पूर्ववैमनस्यातून करण्यात आल्याची माहिती मिळाली आहे. त्याच्या हत्येमागील नेमके कारण काय हे अद्याप स्पष्ट झालेले नाही. अकोट पोलीस पुढील तपास करत आहेत.




.......................................
२ लाख हून अधिक वाचक
५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 8448440256  / 952950112





Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 टिप्पणी(ण्या) :

टिप्पणी पोस्ट करा