Free Reporter Training

Free Reporter Training
Certified & full Corse Residential & Onlin e

'तौत्के' वादळाचा धोका; महाराष्ट्रासहीत पाच राज्यांत बचाव पथक तैनात



 'तौत्के' वादळाचा धोका; महाराष्ट्रासहीत पाच राज्यांत बचाव पथक तैनात


दक्षिण अरब सागर आणि लक्षद्वीप क्षेत्रात गुरुवारी चक्रीवादळानं दबाव निर्माण निर्माण केल्यानंतर पुढच्या काही तासांत हे चक्रीवादळ भयंकर रुप धारण करू शकतं.


नवी दिल्ली : अरबी सागरात तयार झालेलं आणि वेगाने घोंगावत असलेलं 'तौत्के' चक्रीवादळ येत्या १२ तासांत अक्राळ-विक्राळ रुप धारण करू शकतं, अशी धोक्याची सूचना हवामान विभागानं दिलीय. मंगळवारी (१८ मे) सकाळपर्यंत हे वादळ गुजरातच्या तटाला धडक देण्याची शक्यता आहे, असंही हवामान विभागानं म्हटलंय. या चक्रीवादळाला 'तौत्के' हे नाव म्यानमारकडून देण्यात आलंय. भारतीय तटावर यंदाच्या वर्षात धडणारं हे पहिलंच चक्रीवादळ असेल.

अरबी समुद्रात दबाव क्षेत्र

भारत हवामान विज्ञान विभागाच्या म्हणण्यानुसार, दक्षिण अरब सागर आणि लक्षद्वीप क्षेत्रात गुरुवारी चक्रीवादळानं दबाव निर्माण केला आहे. शनिवारी पहाटेपर्यंत या दबावात आणखीन वाढ होईल आणि त्यानंतर पुढच्या २४ तासांत चक्रीवादळ भयंकर स्वरुप धारण करू शकतं.

पाच राज्यांत बचाव पथकं तैनात
भारतात करोना संक्रमणानं घातलेल्या थैमानादरम्यान आता आणखीन एका धोक्यानं देशाच्या चिंतेत भर टाकलीय. या चक्रीवादळामुळे भारतासमोर एक नवं आव्हान उभं केलंय. या आव्हानाला तोंड देण्यासाठी 'राष्ट्रीय आपत्ती निवारण दला'च्या (NDRF) ५३ टीम तैनात करण्यात आल्या आहेत. या टीम्स महाराष्ट्र, केरळ, कर्नाटक, तामिळनाडू आणि गुजरात या राज्यांत केली जातेय.चक्रीवादळाचा संभाव्य धोका लक्षात घेता केरळ सरकारनं रुग्णालयांची सक्षमता वाढवण्यासाठी राज्याला तत्काळ कमीत कमी ३०० मॅट्रीक टन ऑक्सिजन धाडण्याची केंद्र सरकारला विनंती केलीय. यासाठी, पंतप्रधान नरेंद्र मोदी यांना केरळचे मुख्यमंत्री पिनराई विजयन यांनी एक पत्र पाठवलंय. भारतीय हवामान विज्ञान विभागानं १४-१५ मे दरम्यान चक्रीवादळाचा इशारा दिला आहे. तसंच राज्याच्या अनेक भागात मुसळधार पाऊस आणि वादळाचा अंदाज व्यक्त करण्यात आलाय.

पंतप्रधानांनी बोलावली बैठक

याच पार्श्वभूमीवर, शनिवारी सायंकाळी ५.०० वाजता पंतप्रधान नरेंद्र मोदी 'तौत्के' चक्रीवादळापूर्वी यंत्रणांचा आढावा घेण्यासाठी एक बैठक घेणार आहेत. या बैठकीत सरकारच्या वरिष्ठ अधिकाऱ्यांसोबतच, राष्ट्रीय आपत्ती व्यवस्थापनाचे अधिकारीही उपस्थित राहणार आहेत.

मुंबईला इशारा

महाराष्ट्राची राजधानी मुंबईत 'तौत्के' चक्रीवादळाच्या इशाऱ्यानंतर महानगरपालिकेच्या अधिकाऱ्यांनी कोविड १९ लसीकरण मोहीम दोन दिवसांसाठी स्थगित करण्याचा निर्णय घेतलाय. त्यामुळे मुंबईत १५ मे आणि १६ मे रोजी लसीकरण मोहीम स्थगित राहणार आहे.

भारतीय नौसेनाही सज्ज

मच्छिमारांना समुद्रात जाण्यासाठी बंदी घालण्यात आलीय. तामिळनाडू आणि राजस्थानच्या काही भागांतही तौत्के चक्रीवादळानं मुसळधार पावसाची शक्यता आहे. चक्रीवादळाचा धोका ध्यानात घेता नौसेनेचे जहाज विमान, हेलिकॉप्टर, डायव्हर आणि आपत्ती निवारण गट तयार आहे.

गुजरात, दीवच्या तटालाही इशारा

शिवाय गुजरातशिवाय दीवच्या तटालाही या चक्रीवादळाचा तडाखा बसण्याची शक्यता आहे. लक्षद्वीपच्या खालच्या भागात पूराचा धोका वर्तवण्यात आला आहे. हवामान विभागाकडून वेगवेगळ्या भागांना लाल (Red Alert) आणि नारंगी  अलर्ट जारी केला आहे.



.......................................
२ लाख हून अधिक वाचक
५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 8448440256  / 952950112



Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 comments :

टिप्पणी पोस्ट करा