Free Reporter Training

Free Reporter Training
Certified & full Corse Residential & Onlin e

पंकजा मुंडे अचानक दिल्लीला रवाना, प्रीतम मुंडेंना डावलल्याचा जाब विचारणार?




 पंकजा मुंडे अचानक दिल्लीला रवाना, प्रीतम मुंडेंना डावलल्याचा जाब विचारणार?


बीड : भाजपाच्या नेत्या पंकजा मुंडे या रविवारी अचानक दिल्लीला रवाना झाल्या आहेत. दिल्लीला त्या भाजपचे राष्ट्रीय अध्यक्ष जे.पी. नड्डा यांची भेट घेणार असल्याची माहिती आहे. पंकजा मुंडे यांच्या अचानक दिल्ली वारीमुळे महाराष्ट्रातील राजकीय वर्तुळात चर्चेला उधाण आलं आहे. पंतप्रधान मोदींच्या मंत्रिमंडळ विस्तारात त्यांची लहान बहीण खासदार प्रीतम मुंडे यांना जागा न मिळाल्याबद्दल त्यांची नाराजी असल्याचं वृत्त आहे. मात्र, काल (शनिवारी) माध्यमांशी झालेल्या संभाषणात त्यांनी कोणतीही नाराजी नाही असं म्हटलं होतं. खरंतर, प्रीतम मुंडे यांना मंत्रिमंडळात जागा न मिळाल्यामुळे संसदीय मतदार संघ बीड जिल्ह्यातील सर्व 11 तालुक्‍यांमधील (25) भाजपच्या 25 पदाधिकाऱ्यांनी राजीनामा दिला. आतापर्यंत पंकजा मुंडे यांच्या 49 समर्थकांनी वेगवेगळ्या पदांचा राजीनामा दिला आहे.मोदी मंत्रिमंडळ विस्तारापूर्वी मंत्रीपदासाठी प्रीतम मुंडे यांच्या नावाची चर्चा होती. त्यांना मंत्रिपद देण्यात येईल, असं बोललं जात होतं. त्या तरुण असून डॉक्टरही आहे. परंतु प्रीतम मुंडे यांच्याऐवजी डॉ भागवत कराड यांना मंत्रीपद देण्यात आले. यामुळे संतप्त होऊन पंकजा मुंडे आणि प्रीतम मुंडे यांचे समर्थक राजीनामा देत आहेत.पंकजा मुंडे जे.पी. नड्डा यांना भेटून नाराजी व्यक्त करतील अशी माहिती सूत्रांकडून देण्यात आली आहे. यावेळी प्रीतम मुंडे या मंत्रीपदासाठी पात्र असूनही त्यांना मंत्री का केले गेले नाही? असा सवालही करतील अशी चर्चा आहे.

पंकजा मुंडेंनी बोलावली पदाधिकाऱ्यांची बैठक

येत्या मंगळवारी पंकजा मुंडे यांनी मुंबईत या पदाधिकाऱ्यांची बैठक बोलावली आहे. वरळीतील कार्यालयात या बैठकीचं आयोजन करण्यात आलं असून यावेळी पंकजा मुंडे समर्थकांशी काय बोलणार याकडे सर्वांचं लक्ष आहे. समर्थकांची समजूत काढण्यात पंकजा मुंडे यांना यश येतं का हेदेखील पाहणं महत्त्वाचं असणार आहे.


....................................
२ लाख हून अधिक वाचक
५००+ व्हॉट्सॲप ग्रुप
ऑनलाईन व प्रिंट मीडिया
.......................................
सत्यमेव जयते ! 
24x7 
www.freshnewz.in
freshnewsindia24@gmail.com
fresh@freshnewz.in
.......................................
भारत सरकार मान्यता नोंदणी क्रमांक
 RNI- MAHMAR/2011/39536
.......................................
फ्रेश न्यूज टीम ला आजच जॉइन व्हा!महाराष्ट्रभर पत्रकार पाहिजेत!
बातम्या मिळवण्यासाठी  व  पत्रकार होण्यासाठी  कॉल करा : 844844025
Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 comments :

Post a Comment