Free Reporter Training

Free Reporter Training
Certified & full Corse Residential & Onlin e

 


लग्नाच्या हॉलला आग लागली तरी तो निवांतपणे मटणावर मारत होता ताव


भिवंडीमधील अलाईड पेट्रोल पंपजवळ असणाऱ्या सुमारास खंडू पाडा येथील अन्सारी मेरेज ओपन हॉलला रविवारी म्हणजेच 28 नोव्हेंबर रोजी भीषण आग लागली. रात्री साडेबाराच्या सुमारास हा प्रकार घडला. ही आग विझवण्यासाठी भिवंडी अग्निशामन दलाच्या एकूण तीन गाड्या घटनास्थळी दाखल झाल्या. अथक प्रयत्नानंतर ही आग विझवण्यात यश आलं. सुदैवाने या आगीत कोणताही जिवीतहानी झाली नाही. ही आग विझल्यानंतर आता भिवंडीमध्ये चर्चा आहे ही आग लागली तेव्हा घटनास्थळापासून अगदी हाकेच्या अंतरावर असणाऱ्या लग्नामध्ये आलेल्या एका खव्वय्याची.
तसे सोशल मीडियावर हजारो व्हिडीओ रोज व्हायरल होत असतात. मात्र कालपासून हा व्हिडीओ भिवंडी आणि आजूबाजूच्या परिसरात व्हायरल होतोय. या व्हिडीओमध्ये एक व्यक्ती लग्नसमारंभामध्ये ओपन लॉनवर बसून जेवणाचा आनंद घेताना दिसतेय. या व्यक्तीसमोरील जेवणाच्या टेबलवर वेगवेगळ्या प्रकारचे मटणाचे पदार्थ ठेवलेले आहेत. 
पण हा व्हिडीओ व्हायरल होण्यामागील कारण हे नसून या व्यक्तीच्या मागे आहे.
एकीकडे ही व्यक्ती मटणाचा 
आस्वाद घेत असताना मागे स्फोट होताना दिसतायत. आगीच्या ज्वाला 
अगदी उंच उच जात असताना ही व्यक्ती मात्र निवांत बसून मटणावर ताव मारताना दिसतेय. बरं ही व्यक्ती मागे लागलेली आग पाहते आणि पुन्हा जेवणाकडे आपला मोर्चा वळवताना दिसतेय. सोशल मीडियावर हा व्हिडीओ व्हायरल झाला असून अनेकांनी या व्यक्तीचं वागण हे, ‘आग लगे बस्ती में हम अपनी मस्ती में’ या वाक्यप्रचाराशी साधर्म्य साधणारं असल्याचं म्हटलंय. काहींनी या व्यक्तीला फार फोकस व्यक्तीमत्व असल्याचा उपरोधिक टोला लगावलाय.
दरम्यान, भिवंडीमधील हॉलला लागलेल्या या आगीमध्ये जिवीतहानी झाली नसली तरी मंडपाच्या बाजूला असणाऱ्या आठ दुचाकी जळून खाक झाल्या.

Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 comments :

टिप्पणी पोस्ट करा