Free Reporter Training

Free Reporter Training
Certified & full Corse Residential & Onlin e

रुटच्या पराभवातच आहे इंग्लंडचा विजय; जाणून घ्या काय आहे भानगड


गब्बा, ब्रिस्बेन : 
ऑस्ट्रेलिया आणि इंग्लंड (AUS vs ENG) यांच्यातील अ‍ॅशेस मालिकेतील पहिला कसोटी सामना साडेतीन दिवसातच संपला. पॅट कमिन्सच्या नेतृत्वाखाली ऑस्ट्रेलियाने या मालिकेत विजयाने सुरुवात केली. ऑस्ट्रेलियाने पहिल्या दिवसापासून इंग्लंडवर वर्चस्व राखले होते, पण तिसर्‍या दिवसाच्या दुसऱ्या आणि तिसऱ्या सत्रात इंग्लंडचा कर्णधार जो रूट आणि डेव्हिड मलान यांनी चांगली फलंदाजी केली आणि ऑस्ट्रेलियाला अडचणीत आणले होते, पण चौथ्या दिवशी पहिल्या सत्रात इंग्लंडचे फलंदाज पाठोपाठ बाद झाले. ऑस्ट्रेलियाच्या गोलंदाजांनी टिच्चून गोलंदाजी केल्याने इंग्लंडच्या फलंदाजांनी नांगी टाकली.
या सामन्यात जो रूटने नाणेफेक जिंकून प्रथम फलंदाजी करण्याचा निर्णय घेतला होता, पण पुन्हा एकदा नाणेफेक जिंकल्यानंतर सामना जिंकण्यात रूटला यश आले नाही. जर रूटचे आकडे पाहिले, तर त्याला पुन्हा नाणेफेक जिंकण्याची इच्छा होणार नाही. नाणेफेक जिंकणे त्याच्यासाठी पराभवाचा हमखास गॅरंटी असल्यासारखे ठरत आहे.

१० सामन्यांची आकडेवारी हेच सांगते
गेल्या १० सामन्यांची आकडेवारी पाहिल्यास असे दिसते की, ज्यावेळी रूटने नाणेफेक जिंकली आहे, त्यापैकी फक्त एकाच सामन्यात इंग्लंडने विजय मिळवला आहे. तर सात सामन्यात त्यांना पराभव पत्करावा लागला असून दोन सामने अनिर्णित राहिले आहेत. तर दुसरीकडे त्याने ज्या १० कसोटी सामन्यात नाणेफेक गमावली आहे, त्यापैकी सात सामने जिंकले असून एक सामना गमावला आहे. तर दोन कसोटी अनिर्णित राहिल्या आहेत.
दरम्यान, रूटने नाणेफेक जिंकून पहिल्यांदा फलंदाजीचा निर्णय घेतला, पण ऑस्ट्रेलियाने पहिल्या डावात इंग्लंडला १४७ धावांत गुंडाळले. ऑस्ट्रेलियाचा कर्णधार पॅट कमिन्सने सर्वाधिक पाच विकेट्स घेतल्या. त्यानंतर ऑस्ट्रेलियाच्या ट्रॅव्हिस हेडने १४८ चेंडूत १५२ धावा, डेव्हिड वॉर्नर ९४ धावा आणि मार्नस लॅबुशेनने ७४ धावा केल्याने ऑस्ट्रेलियाने पहिल्या डावात ४२५ धावांचा डोंगर उभारला होता. इंग्लंडचा संघ दुसऱ्या डावात २९७ धावांपर्यंतच मजल मारू शकला. कर्णधार रूटने ८९ आणि मलानने ८२ धावा केल्या. ऑस्ट्रेलियाला विजयासाठी फक्त २० धावांचे आव्हान होते, ते त्यांनी एक विकेटच्या बदल्यात पूर्ण केले.

Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 comments :

टिप्पणी पोस्ट करा