Free Reporter Training

Free Reporter Training
Certified & full Corse Residential & Onlin e

रहाणे आणि पुजारा यांची मोक्याच्या क्षणी अर्धशतके, भारताचे आफ्रिकेपुढे मोठे आव्हान...

जोहान्सबर्ग :
अजिंक्य रहाणे आणि चेतेश्वर पुजारा यांना संघातून बाहेर काढा, अशी टीका सातत्याने सुरु होती. या टीकेला अजिंक्य आणि पुजारा यांनी आज सडेतोड उत्तर दिले. भारताला जेव्हा गरज होती, तेव्हा अजिंक्य आणि पुजारा या जोडीने अर्धशतके झळकावली. त्याचबरोबर या दोघांनी तिसऱ्या विकेटसाठी शतकी भागीदारी रचली. त्यामुळे भारताला दुसऱ्या डावात २६६ धावांचा पल्ला गाठता आला. त्यामुळे भारताने विजय मिळवण्यासाठी दक्षिण आफ्रिकेपुढे २४० धावांचे आव्हान ठेवले आहे.

अजिंक्य आणि पुजारा यांनी आजच्या दिवसाची दमदार सुरुवात केली. पुजारा हा कुर्मगतीने धावा करतो, असे आतापर्यंत म्हटले जात होते. पण आज पुजारा आक्रमकपणे फलंदाजी कराताना पाहायला मिळाले. पुजाराने यावेळी ६२ चेंडूंत १० चौकारांच्या जोरावर आपले अर्धशतक साजरे केले. पुजारापाठोपाठ रहाणेही धावा करण्यात मागे नव्हता. रहाणेनेही यावेळी चौकारासह आपले अर्धशतक पूर्ण केले. अजिंक्य आणि पुजारा ही जोडी आता मोठी धावसंख्या उभारेल, असे वाटत होते. पण अर्धशतकानंतर या दोघांनाही जास्त धावा करता आल्या नाहीत. दक्षिण आफ्रिकेच्या कागिसो रबाडाने यावेळी अजिंक्य आणि पुजारा या दोघांनाही बाद करत भारताला दोन मोठे धक्के दिले. अजिंक्यने यावेळी आठ चौकार आणि एका षटकाराच्या जोरावर ५८ धावा केल्या, तर पुजाराने १० चौकारांच्या जोरावर ५३ धावांची खेळी साकारली.

अजिंक्य आणि पुजारा यांनी भारताच्या अन्य फलंदाजांसाठी चांगले व्यासपीठ बनवले होते. पण याचा फायदा कोणलाहाी घेता आला नाही. रिषभ पंत यावेळी मोठा फटका मारण्याचा नादात आपली विकेट बदाल करून बसला, त्याला यावेळी भोपळाही फोडता आला नाही. भारताच्या तळाच्या फलंदजाांनी यावेळी चांगली फलंदाजी केली खरी, पण त्यांना मोठी खेळी साकारता आली नाही. अजिंक्य आणि पुजारा बाद झाल्यावर हनुमा विहारीने काही काळ चांगली फलंदाजी केली खरी, पण त्याला दुसऱ्या टोकाकडून चांगली साथ मिळाली नाही. विहारीने यावेळी नाबाद ४० धावा केल्या. भारताचा दुसरा डाव यावेळी २६६ धावांवर आटोपला आणि त्यांनी दक्षिण आफ्रिकेला विजयासाठी २४० धावांचे आव्हान दिले.
Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 comments :

टिप्पणी पोस्ट करा