Free Reporter Training

Free Reporter Training
Certified & full Corse Residential & Onlin e

टीम इंडिया २९ वर्षांनंतरही पहिल्या कसोटी विजयाच्या प्रतिक्षेत; पुजारा-कोहलीसाठी धोक्याची घंटा

भारतीय संघ ११ जानेवारीपासून न्यूलँड्सच्या मैदानावर दक्षिण आफ्रिकेविरुद्ध तीन सामन्यांच्या मालिकेतील शेवटचा कसोटी सामना खेळणार आहे. या मैदानावर भारतीय संघाची कामगिरी खूपच निराशाजनक आहे. सेंच्युरियन येथे ऐतिहासिक विजय मिळविल्यानंतर टीम इंडियाला जोहान्सबर्ग येथील दुसऱ्या कसोटीत पराभवाचा सामना करावा लागला.

भारतीय संघाने दक्षिण आफ्रिकेत गेल्या २९ वर्षांपासून एकदाही कसोटी मालिका जिंकलेली नाही. तेव्हापासून टीम इंडिया केपटाऊनमध्ये पहिल्या कसोटी विजयाची वाट पाहत आहे. या मैदानावर भारताने १९९३ मध्ये पहिल्यांदा कसोटी सामना खेळला होता. त्यानंतर भारताने तेथे एकूण ५ कसोटी सामने खेळले आहेत, त्यापैकी २ अनिर्णित राहिले आहेत आणि ३ सामने गमावले आहेत.

भारतीय संघाने २०१८ मध्ये विराट कोहलीच्याच नेतृत्वाखाली या मैदानावर शेवटचा सामना खेळला होता. आणि ७२ धावांनी पराभव स्वीकारावा लागला होता. याशिवाय १९९७ मध्ये २८२ धावांनी आणि २०११ मध्ये ५ गडी राखून पराभव स्वीकारावा लागला होता. दुसरीकडे, १९९३ आणि २०११ मध्ये भारताने येथील कसोटी सामने अनिर्णित ठेवले होते. भारतीय संघ या मैदानावर उतरण्याची ही सहावी वेळ असेल. यावेळी भारताकडे दक्षिण आफ्रिकेत कसोटी मालिका जिंकण्याची आणि केपटाऊनमध्ये पहिला कसोटी विजय नोंदवण्याची सुवर्णसंधी आहे, पण जोहान्सबर्गमध्ये टीम इंडियाला पराभूत केल्यानंतर यजमानांचा उत्साह वाढला आहे.

पुजारा आणि कोहलीसाठी धोक्याची घंटा
चेतेश्वर पुजारा आणि विराट कोहली यांची या मैदानावरील आकडेवारी खूपच खराब आहे. विराट कोहली या मैदानावर फक्त एकच कसोटी खेळला आहे, ज्यामध्ये त्याला दोन डावात फक्त ३३ धावाच करता आल्या आहेत. दुसरीकडे, पुजाराने या मैदानावर दोन कसोटी सामने खेळले असून त्याने ४ डावात मिळून ३२ धावा केल्या आहेत. भारतासाठी सचिन तेंडुलकर हा एकमेव खेळाडू आहे, ज्याने या मैदानावर ४ कसोटी सामन्यात ४८९ धावा केल्या आहेत. त्यामुळे भारताच्या फलंदाजांसाठी हे मैदान आतापर्यंत चांगले ठरले नसल्याचेच समोर आले आहे.



Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 comments :

टिप्पणी पोस्ट करा