Free Reporter Training

Free Reporter Training
Certified & full Corse Residential & Onlin e

भारत दौऱ्यावर एक 'चूक'... आणि जर्मन नौदल प्रमुखांवर राजीनाम्याची वेळ...!जाणून घ्या नेमक घडल तरी काय...?

बर्लिन, जर्मनी :
जर्मन नौदल प्रमुख व्हाईस अॅडमिरल एकिम शॉनबॅक यांनी नुकताच एक भारत दौरा केला. मात्र, मायदेशी परतल्यानंतर त्यांच्यावर तातडीनं राजीनामा देण्याची वेळ आली. नवी दिल्लीत रशिया आणि युक्रेन दरम्यान सुरू असलेल्या तणावावर केलेली एक टिप्पणी त्यांना भारी पडलीय.

गेल्या शनिवारी व्हाईस अॅडमिरल एकिम शॉनबॅक यांनी आपल्या पदाचा राजीनामा सोपवला. जर्मन नौदल प्रमुखांनी रशियाशी संबंध ठेवण्याचे आवाहन करतानाच, युक्रेन 'नाटो'चा सदस्य होऊ शकत नाही, अशी वादग्रस्त टिप्पणी शॉनबॅक यांनी आपल्या भारत दौऱ्यात केली होती.

पूर्व युक्रेन भागात रशियाकडून मोठ्या प्रमाणात सैन्य तैनाती करण्यात आल्याच्या पार्श्वभूमीवर त्यांनी ही टिप्पणी केली होती.
'आयडीएसए' या थिंक टँकमध्ये शुक्रवारी बोलताना त्यांनी रशियाला खरोखरच युक्रेनचा छोटासा भाग ताब्यात घ्यायचा आहे का? असा प्रश्न केला. 'नाही, ही फसवेगिरी आहे. पुतिन हे जाणूनबुजून करत आहेत कारण त्यांना आपण हे करू शकतो याची जाणीव आहे. वास्तवत: त्यांना केवळ आदर हवा आहे', असं वक्तव्य शॉनबॅक यांनी यावेळी केलं होतं.

आपल्या वक्तव्यामुळे निर्माण झालेल्या वादानंतर शॉनबॅक यांच्यावर मायदेशात परतल्यानंतर तडकाफडकी राजीनामा देण्याची वेळ आली. यावेळी, नवी दिल्लीत केलेल्या आपल्या वक्तव्याला त्यांनी 'चूक' करार दिलं.

⏺️अमेरिकेचा सैन्याला सज्जतेचा आदेश
दुसरीकडे, युरोपमध्ये तैनात होण्यासाठी जावं लागण्याच्या शक्यतेनं 'नाटो'चा एक भाग म्हणून पेंटॅगॉनकडून आठ हजार ५०० सैनिकांना दक्ष राहण्याचा इशारा देण्यात आलाय. रशिया युक्रेनवर चाल करून जाण्याचा धोका लक्षात घेऊन हे पाऊल उचलण्यात आलंय.

अमेरिका सोबत असल्याचं स्पष्ट करण्यासाठी अध्यक्ष जो बायडेन यांनी युरोपीय नेत्यांशी याप्रश्नावर चर्चा केली. युक्रेनवर हल्ला करण्याच्या विचारात असलेले रशियाचे अध्यक्ष व्लादिमिर पुतिन मागे हटतील, या आशेनं अमेरिकेतील लष्करी समूह सोमवारी युरोपच्या साह्यासाठी 'हाय अॅलर्ट'वर ठेवण्यात आलं.

फक्त युक्रेनवरील धोका टाळण्यासाठी नाही, तर अमेरिकेच्या रणनीतीद्वारे चालणारी 'नाटो'ची युती भक्कम असल्याचं दर्शवणारी हीच वेळ आहे; पण याच गोष्टीकडे पुतीन, रशियाच्या सुरक्षेला असलेला धोका म्हणून पाहतात. पुतिन यांच्याविरोधात आघाडी उभी करून बायडेन यांची क्षमता पणाला लावणारी हीच वेळ आहे.

'सामूहिक संरक्षण अधिक मजबूत करण्यासाठी; तसेच आमची सुरक्षा बिघडवण्याचा प्रयत्न केल्यास आम्ही नेहमीच प्रत्युत्तर देऊ,' असं स्पष्ट करतानाच क्रेमलिन प्रवक्ते दिमित्री पेस्कॉव्ह मॉस्को इथं म्हणाले, की रशिया नाही, तर नाटो आणि अमेरिका सध्याचा तणाव वाढवत आहे. रशियाने युक्रेनच्या दिशेने एक जरी पाऊल उचललं, तरी पुढील परिणाम वाईट असतील आणि रशियाला यासाठी मोठी किंमत मोजावी लागेल, असं युरोपीय महासंघाच्या मंत्र्यांनी निवेदनाद्वारे स्पष्ट केलंय.
Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 comments :

टिप्पणी पोस्ट करा