Free Reporter Training

Free Reporter Training
Certified & full Corse Residential & Onlin e

पाकिस्तानात कट्टरपंथियांकडून हिंगलाज मंदिरावर हल्ला

पाकिस्तानात काही कट्टरपंथियांकडून पुन्हा एकदा एका मंदिराला निशाण्यावर घेतलं गेलंय. पाकिस्तानच्या सिंध प्रांतातील थार पार्कर जिल्ह्यातील खत्री मोहल्ला या भागात रविवारी ही घटना घडली. धार्मिक द्वेषातून बेभान झालेल्या काही समाजकंटकांनी हिंगलाज माता मंदिरावर हल्ला करत हे मंदिर उद्ध्वस्त केलंय.

उल्लेखनीय म्हणजे, पाकिस्तानात गेल्या २२ महिन्यांत हिंदू मंदिरांवर झालेला हा ११ वा हल्ला ठरलाय.या हल्ल्याची माहिती मिळाल्यानंतर 'पाकिस्तान हिंदू मंदिर व्यवस्थापन समिती'चे अध्यक्ष कृष्ण शर्मा घटनास्थळी दाखल झाले. 'काही इस्लामिक कट्टरपंथीयांना पाकिस्तानच्या सर्वोच्च न्यायालयाची किंवा पाकिस्तान सरकारची धास्ती उरलेली नाही' अशी खंत त्यांनी यावेळी व्यक्त केली.
दरम्यान, मंदिरावर घडवून आणल्या गेलेल्या या हल्ल्याच्या विरोधात हिंदू संघटनांनी मोर्चांच्या माध्यमातून निषेध नोंदवलाय.

पंतप्रधान इम्रान खान सरकारकडून अल्पसंख्याकांना आणि मंदिरांना संरक्षण दिलं जाईल, असं आश्वासन दिलं होतं. मात्र, पाकिस्तानमध्ये अल्पसंख्याकांच्या धार्मिक स्थळांना कट्टरवाद्यांकडून अनेकदा लक्ष्य केलं जातं.

यापूर्वी डिसेंबर महिन्यात पाकिस्तानची आर्थिक राजधानी कराचीतील एका हिंदू मंदिरावर कट्टरतावाद्यांच्या जमावानं हल्ला करून मंदिरातील दुर्गादेवीची मूर्ती खंडीत केली होती. कराचीमध्ये मोठ्या संख्येने हिंदू राहतात.

तसंच काही महिन्यांपूर्वी पाकिस्तानातील पंजाब प्रांतातील गणेश मंदिरावर अतिरेक्यांनी हल्ला करून मंदिराची नासधूस केली होती.


Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 comments :

टिप्पणी पोस्ट करा