मुंबई 21 जानेवारी:* एसटी कामगारांचा संप सुरू असतांना आता एसटी महामंडळाने नवा पर्याय काढला आहे. याबाबत निर्णयाच्या परिपत्रकामध्ये म्हटलंय की, राज्य परिवहन महामंडळातील कर्मचा-यांनी बेकायदा संप पुकारला आहे, त्यामध्ये मुख्यत्वे चालक व वाहक यांचा समावेश असल्याने अत्यल्प प्रमाणात वाहने रस्त्यावर येत आहेत. त्यामुळे जास्तीत जास्त वाहने रस्त्यावर आणण्याकरीता विविध उपाययोजना अमलात आणण्यासाठी उपाध्यक्ष आणि व्यवस्थापकीय संचालक यांच्यासमवेत सर्व अधिकारी यांच्याशी झालेल्या चर्चेअंती यांत्रिक कर्मचारी व सहाय्यक वाहतूक निरिक्षक यांना उजळणी प्रशिक्षण देऊन त्यांचा वापर संपकाळात 'चालक' तसेच वाहतूक नियंत्रकांचा 'वाहक' म्हणून वापर करण्याबाबत निर्णय झाला आहे.
संप कालावधीमध्ये प्रथम टप्यात चालक पदातून ज्यांना 'वाहन परीक्षक' व 'सहायक वाहतूक निरीक्षक' पदावर पदोन्नती देण्यात आलेली आहे. अशा कर्मचा-यांना दोन दिवसांचे उजळणी प्रशिक्षण देऊन, त्यांचा वापर प्रवासी वाहनांवर “चालक" म्हणून करण्यात यावा, व त्यांच्याकडे प्रवासी वाहन चालक अनुज्ञप्ती बिल्ला असल्याची खात्री करण्यात यावी असे ठरविण्यात आले आहे.
0 comments :
टिप्पणी पोस्ट करा