Free Reporter Training

Free Reporter Training
Certified & full Corse Residential & Onlin e

आजचे राशीभविष्य ०४ जानेवारी २०२२ मंगळवार~तुमच्या राशीवर काय परिणाम होईल जाणून घ्या

मेष
कार्यक्षेत्रात चांगले परिणाम मिळतील. वडिलांशी असलेले संबंध सुधारतील. रागाला वरचढ होऊ देऊ नका असे केल्यास सामाजिक स्तरावर चांगले परिणाम दिसून येतील. आर्थिक बाबतीत काळजी मनात घर करेल. पैसे जमवण्यासाठी योग्य ते बजेट नियोजन करण्याचा प्रयत्न करा. आज ८२% नशिबाची साथ आहे. हनुमान चालीसाचे पठण करा.

वृषभ
धार्मिक उपक्रमांमध्ये तुमची आवड वाढेल. एखाद्या धार्मिक पुस्तकाचे वाचन काही लोकं करू शकतात. काही विद्यार्थ्यांच्या एकाग्रतेत अभाव जाणवू शकतो. योग-ध्यानाने फायदा होईल. वडिलांशी एखाद्या गोष्टीबाबत मतभेद झाल्यास बोलून त्यावर मार्ग काढू शकता. आज ८८% नशिबाची साथ आहे. शुक्र ग्रहाच्या बीजमंत्राचा जप करा.

मिथुन
आरोग्याबाबत सजग असणे गरजेचे आहे. रस्त्यावरचे खाद्यपदार्थ खाणे टाळा. जर तुम्हाला अॅलर्जीचा त्रास असेल तर धुळीच्या ठिकाणी जाऊ नका. मानसिक शांतीसाठी काही लोकं एकांतात दिवस घालवताना दिसतील, यामुळे मनात दडलेल्या प्रश्नांचे उत्तर तुमचे तुम्हाला मिळू शकते. धैर्य कायम ठेवा. आज ७५% नशिबाची साथ आहे. किन्नरांचे आशीर्वाद घ्या.

कर्क
वैवाहिक जीवनात चांगले बदल दिसून येतील. जीवनसाथीदाराकडून भेटवस्तू मिळू शकते. व्यावसायिकांना लाभ होण्याचे संकेत आहेत. सामाजिक प्रतिष्ठा वाढेल, समाजातील नामी व्यक्तीशी तुमची भेट होऊ शकते. घरापासून दूर असाल तर आज वेळ काढून घरातील सदस्यांशी फोनवरून संवाद साधू शकता. आज ८५% नशिबाची साथ आहे. शिव चालिसाचे पठण करा.

सिंह
आज विरोधकांपासून सावध राहिले पाहिजे. तब्येतीत उतार-चढाव असतील. सासरच्या लोकांकडून लाभ होऊ शकतो. आर्थिक बाबींमध्ये साथीदाराच्या सहाय्याने सुधारणा होईल. तथापि घाईगडबडीत निर्णय घेऊ नका अन्यथा नुकसान होऊ शकते. आज ७८% नशिबाची साथ आहे. सूर्य देवाची उपासना करा.

कन्या
विद्यार्थ्यांसाठी चांगला दिवस जाईल. प्रेम जीवनात बदल दिसून येतील तसेच संध्याकाळी प्रियकर-प्रेयसी बाहेर फिरायला जाऊ शकतात. मुलांबाबतची चिंता दूर होईल. तुमच्या बोलण्याने कोणीही दुखावले जाऊ नये यासाठी स्वतः बोलण्यापेक्षा दुसऱ्यांचे म्हणणे ऐकण्याचा, समजण्याचा प्रयत्न करा. आज ८०% नशिबाची साथ आहे. रामाची पूजा करा.

तूळ
कौटुंबिक जीवनात सुखद अनुभव येईल. धार्मिक कार्यक्रमाच्या आयोजनात घरातील सदस्य सहभागी होऊ शकतात. आईच्या तब्येतीत सुधारणा झाल्याने समाधान वाटेल. कार्यक्षेत्रात विरुद्ध लिंगी व्यक्तीशी भेट होऊ शकते. आरोग्य सामान्य असेल. आज ८६% नशिबाची साथ आहे. कृष्ण भगवानाची पूजा-उपासना करा.

वृश्चिक
आत्मविश्वासात वाढ दिसून येईल. कार्यक्षेत्रातील हजरजबाबीपणा लोकांना आकर्षित करेल तथापि जास्त बोलण्याने तुमच्याबाबत नकारात्मकता पसरू शकते. इच्छा नसताना प्रवास करावा लागू शकतो तथापि या प्रवासातून लाभ होऊ शकतो. आज ८८% नशिबाची साथ आहे. बजरंग बाणाचे वाचन करा.

धनू
तुम्ही तुमच्या गोड बोलण्याने जोडीदाराचे मन जिंकू शकता. पितृ संपत्तीत वाढ होईल. तुम्ही केलेल्या एखाद्या गुंतवणुकीतून फायदा होईल. व्यावसायिक फायद्यासाठी नवीन योजना तयार करू शकता. जे घरून काम करतात त्यांना आरोग्यविषयक समस्यांचा सामना करावा लागू शकतो. आज ८२% नशिबाची साथ आहे. पिवळे कपडे परिधान करा.

मकर
मनःशांतीसाठी योग-ध्यान करू शकता. गेल्या काही दिवसांपासून ज्या समस्येने त्रस्त होतात त्या समस्येचे निवारण होऊ शकते. जोडीदारामध्ये तुम्हाला जवळचा मित्र दृष्टीस पडेल, त्यातून वैवाहिक जीवनात चांगले बदल होतील. घरी पाहुण्यांचे आगमन होण्याची शक्यता आहे. आज ९०% नशिबाची साथ आहे. शनि स्तोत्राचे वाचन करा.

कुंभ
खर्चांवर नियंत्रण ठेवावे लागेल. परदेशी स्त्रोतांमधून लाभ होऊ शकतो. अध्यात्माच्या वाटेवर अग्रेसर असताना चांगली संधी मिळू शकते. रात्रीच्या वेळी घरातील कामासाठी बाहेर जावे लागू शकते. आई-वडिलांसोबत चांगला वेळ घालवायला मिळेल. आज ७८% नशिबाची साथ आहे. शिवलिंगावर पाणी अर्पण करा.

मीन
तुमच्या कर्माचे चांगले फळ मिळू शकते. कार्यक्षेत्रातील प्रतिमा सुधारेल. गुंतवणुकीतून लाभ होण्याचे संकेत आहेत. प्रॉपर्टी विकत घ्यायची असल्यास ही इच्छा आज पूर्ण होऊ शकते. कार्यक्षेत्रात तुम्ही तुमची योग्यता सिद्ध कराल, यामुळे वरिष्ठ प्रभावित होतील. आज ९२% नशिबाची साथ आहे. भगवान विष्णूची पूजा करा.

Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 comments :

टिप्पणी पोस्ट करा