Free Reporter Training

Free Reporter Training
Certified & full Corse Residential & Onlin e

किरीट सोमय्यांवर गुन्हा दाखल; संजय राऊतांचा ट्विटमधून इशारा

मुंबई: 
गेल्या काही दिवसांपासून शिवसेना खासदार संजय राऊत आणि भाजप नेते किरीट सोमय्या यांच्यात आरोप-प्रत्यारोपांची लढाई सुरु आहे. अशातच आता किरीट सोमय्या यांच्यावर गुन्हा दाखल करण्यात आला आहे. किरीट सोमय्या यांनी स्वत: ट्विट करून ही माहिती दिली आहे. किरीट सोमय्या यांनी काही दिवसांपूर्वी राष्ट्रवादी काँग्रेसचे नेते छगन भुजबळ यांच्या सांताक्रुझमधील मालमत्तेची पाहणी केली होती. त्यामुळे सोमय्या यांच्यावर गुन्हा दाखल करण्यात आला. सोमय्या यांनी आपल्या ट्विटमध्ये म्हटले आहे की, ठाकरे सरकार/पोलीसची माझा विरुद्ध आणखी एक नोटीस. छगन भुजबळ यांच्या सांताक्रुझ येथील 'बेनामी प्रॉपर्टी' ९ मजली बंगलोची पाहणी केल्याबद्दल माझ्याविरुद्ध गुन्हा दाखल करण्यात आला. किरीट सोमय्या यांना आता या नोटीसवर स्पष्टीकरण द्यावे लागणार आहे. 

तर दुसरीकडे शिवसेना खासदार संजय राऊत यांनी गुरुवारी सकाळी आणखी एक नवे ट्विट केले. या ट्विटच्या माध्यमातून संजय राऊत यांनी आपल्या विरोधकांना पुन्हा एकदा आव्हान दिले आहे. मेरा यही अंदाज ज़माने को खलता है, कि चिराग हवा के खिलाफ क्यों जलता है..., असा मजकूर या ट्विटमध्ये लिहला आहे. त्यामुळे आता यावर भाजप नेते काही प्रतिक्रिया देणार का, हे पाहावे लागेल.

⏺️'किरीट सोमय्यांनी राणेंवर केलेल्या आरोपांचे काय झाले?'
किरीट सोमय्या यांनी शिवसेनेविरोधात सुरु केलेल्या लढाईत साथ देण्यासाठी केंद्रीय मंत्री नारायण राणे हे देखील मैदानात उतरले होते. नारायण राणे यांनी बुधवारी पत्रकारपरिषद घेत संजय राऊत यांना लक्ष्य केले होते. त्यानंतर शिवसेना खासदार विनायक राऊत यांनी पत्रकारपरिषद घेऊन किरीट सोमय्या यांनी नारायण राणे यांच्यावर केलेल्या टीकेचे व्हीडिओ दाखवले होते. या मुद्द्यावरुन सामाजिक कार्यकर्त्या अंजली दमानिया यांनीही किरीट सोमय्या यांनी फटकारले. त्यांनी ट्विट करुन म्हटले की, विनायक राऊत यांच्याबद्दल मला तिळमात्रही आदर किंवा सहानुभूती नाही, पण आज त्यांनी जी प्रेस घेतली ती अतिशय योग्य होती. सोमय्यांनी राणेंवर केलेले आरोप कुठे गेले? त्यानंतर नारायण राणे यांनी मोदींवर केलेली टीका व नितेश राणे यांचे video आपल्याला त्यांचे खरे रंग दाखवते. सगळेच एका माळेचे मणी, असे अंजली दमानिया यांनी म्हटले.
Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 comments :

टिप्पणी पोस्ट करा