रत्नागिरी शहरातील किल्ला दसपटवाडी भागात पाणीपुरवठा करण्याकरिता डोंगरामधून पाईपलाईन टाकण्यात आली आहे. त्याची पाहणी करता ते काम योग्य झालेले नाही तसेच नियमाला धरुन झालेले नाही. हा भाग डोंगराळ असल्याने इथे वणवे लागतात. पावसाळ्यात देखील पाणी रस्त्यावरुन वाहत असते. त्यामुळे टाकण्यात आलेल्या पाईपलाईनचे नुकसान होऊन या भागातील नागरिकाना पाण्यापासून वंचित रहावे लागू शकते. तरी हे काम प्रशासनाकडून व्यवस्थित पाहणी करुन घेऊन योग्य पद्धतीने करुन घ्यावे नपेक्षा या भागातील नागरिक सनदशीर मार्गाने आंदोलन करुन शासनाकडे दाद मागतील अशा आशयाचे पत्र राष्ट्रवादी शहराध्यक्ष निलेश भोसले यांनी रत्नागिरी नगर परिषदेच्या मुख्याधिका-यांना लिहिले आहे.
0 comments :
टिप्पणी पोस्ट करा