Free Reporter Training

Free Reporter Training
Certified & full Corse Residential & Onlin e

युक्रेनवर हल्ला करणाऱ्या रशियन सैन्याला आतापर्यंतचा सर्वात मोठा झटका! युद्ध थांबविणार?



कीव्ह, युक्रेन :
युक्रेनवर हल्ला करून सात दिवस उलटल्यानंतरही रशियाला युक्रेनची कीव्ह, खारकीव्ह ही शहरं ताब्यात घेण्यात अपयश आलंय. रशियाला युद्धाचं आणि युक्रेनवर हल्ला करण्याचं हे गणित जेवढं सोपं वाटलं तेवढं ते नक्कीच सोप नाही, हे एव्हाना स्पष्ट झालंय. युक्रेनचे राष्ट्राध्यक्ष वोलोदिमीर झेलेन्स्की यांच्या नेतृत्वाखाली युक्रेनचे नागरिक आणि लष्कर तुलनेनं महाबलाढ्य रशियन सैन्याला वरचढ ठरत आहेत. आज युद्धाच्या आठव्या दिवशी रशियन सैन्याला आजपर्यंतचा सर्वात मोठा धक्का बसलाय. या युद्धात पुतीन सेनेचे मेजर जनरल रँकचे अधिकारी आंद्रेई सुखोवेत्स्की यांचा मृत्यू झालाय.
गेल्या तीन दिवसांपासून रशियाच्या मिसाईल्सनं कीव्ह आणि खारकीव्ह या शहरांना पुरतं उद्ध्वस्त केलंय. युक्रेनच्या खेरसोन या शहरावर आता रशियाच्या लष्करानं ताब्यात घेतलंय. परंतु, या लढाईत युक्रेनसोबतच रशियालाही मोठं नुकसान सोसावं लागलंय.
युक्रेनकडून केवळ लष्करच नाही तर जवळपास २० हजार सामान्य नागरिकांनी या युद्धात प्रत्यक्ष सहभाग घेऊन शत्रुला प्रत्यूत्तर दिलंय. या नागरिकांना झेलेन्स्की यांनी हत्यारं आणि प्रशिक्षणही दिलंय.
पूर्व युरोप मीडिया प्लॅटफॉर्म NEXTA नं केलेल्या दाव्यानुसार, रशियाचे मेजर जनरल आंद्रेई सुखोवेत्स्की यांचा मृत्यू झालाय. हा रशियाच्या या श्रेणीतील पहिल्या उच्चपदस्थ अधिकाऱ्याचा मृत्यू आहे. यामुळे रशियाचे अध्यक्ष व्लादिमीर पुतीन यांच्यासहीत सैन्याला मोठा झटका बसलाय.
गेल्या गुरुवारपासून सुरू झालेल्या युद्धाला आता आठ दिवस उलटले आहेत. वरवर पाहता ही लढत पुतीन यांच्या कल्पनेप्रमाणे झालेली नाही. दोन्ही सैन्याकडून एकमेकांना गंभीर जखमी केल्याचा दावा केला जातोय.

⏺️युद्धात २८७० युक्रेनियन ठार, रशियन अधिकाऱ्याचा दावा
गेल्या आठ दिवसांत युद्धात तब्बल ४९८ युक्रेनियन सैनिक ठार झाल्याचा मोठा दावा रशियाच्या संरक्षण मंत्रालयाकडून करण्यात आलाय. सोबतच, रशियाचं मोठं नुकसान झाल्याचा युक्रेनचा दावा मेजर जनरल इगोर कोनाशेनकोव्ह यांनी फेटाळून लावलाय. मात्र मेजर कोनाशेनकोव्ह यांनी जे आकडे मीडियासमोर दिले ते रशियन संरक्षण मंत्रालयाच्या आकड्यांशी अजिबात मिळते-जुळते नव्हते.
मेजर कोनाशेनकोव्ह यांच्या म्हणण्यानुसार, युक्रेनचे आतापर्यंत २८७० हून अधिक सैनिक ठार झाले आहेत तर ३७०० हून अधिक जण जखमी आहेत. तर ५७२ जणांना युद्धकैदी बनवण्यात आल्याचा दावा त्यांनी केलाय.

⏺️५००० रशियन सैनिकांचा मृत्यूचा दावा
दुसरीकडे, 'या युद्धात आतापर्यंत पाच हजारांहून अधिक रशियन सैनिकांना ओलीस ठेवण्यात आले आहे किंवा त्यांचा मृत्यू झाला आहे' असा दावा एका वरिष्ठ गुप्तचर अधिकाऱ्याकडून करण्यात आलाय. विविध पाश्चात्य देशांच्या गुप्तचर संस्थांकडून मिळालेल्या माहितीच्या आधारे त्यांनी हा दावा केलाय.
अधिकाऱ्याच्या म्हणण्यानुसार, युक्रेनियन सैन्यानं मोठ्या प्रमाणात रशियन विमानं, रणगाडे आणि अनेक संरक्षण यंत्रणा हाणून पाडल्यात. सोमवारपासून रशियन सैन्यानं खारकीव्ह आणि कीव्हवर मोठ्या हानिकारक शस्त्रांस्त्रांचा वापर सुरू केला आहे.

Share on Google Plus

About Dainik Fresh News

OFFICE OF REGISTRAR OF NEWSPAPERS FOR INDIA Government of India MAHMAR/2011/39536 MUMBAI, RATNAGIRI, KOLHAPUR , SANGALI 8448440256,9422050977,9623454123
    Blogger Comment
    Facebook Comment

0 comments :

टिप्पणी पोस्ट करा