रत्नागिरी:
रत्नागिरी जिल्ह्यात प्रथमच लाच घेणाऱ्याला नाही तर देणाऱ्याला रंगेहाथ पकडण्यात आले आहे. बहुदा राज्यातील अशाप्रकारची ही पहिलीच कारवाई असावी.
पोलिसांनी दिलेल्या माहितीनुसार, खेड येथे लोटे दुरक्षेत्राचे सहाय्यक पोलिस निरीक्षक दत्तात्रय बाळू कदम हे कार्यरत आहेत. लाकडाचे व्यावसायीक असणाऱ्या निजाम हुसेन पटाईत (50, गोवळकोट, चिपळूण) यांनी त्यांचा लाकूड वाहतूक करणारा ट्रक हा उप प्रादेशिक परिवहन कार्यालयातील अधिकाऱ्यांनी कारवाई करून लोटे पोलिस दुरक्षेत्र येथे लावलेला होता. त्यानंतर निजाम हुसेन पटाईत यांनी त्याबाबत झालेला दंड भरलेला होता. पुढे या ट्रकमधील असलेल्या लाकडाबाबत वनविभाग यांना कारवाईच्या अनुशंगाने प्रस्ताव न पाठवता ट्रक आतील लाकडासह सोडून देण्यासाठी पोलीस निरीक्षक कदम यांना वारंवार लाच देण्याचे आरोपी पटाईत आमिष दाखवत होते.
5 हजारावरून 3 हजाराची लाच देण्याचे ठरवले ही रक्कम देताना निजाम हुसेन पटाईत यांना पकडण्यात आले. हा सापळा अधिकारी सुशांत चव्हाण, पोलीस उप-अधीक्षक ला. प्र. वि. रत्नागिरी यांच्यासह सापळा पथक स. फौ. संदीप ओगले, पो. ह. विशाल नलावडे,पोना. दीपक आंबेकर, पोशी अनिकेत मोहिते यांनी कामगिरी केली.
0 comments :
टिप्पणी पोस्ट करा